आफ्नै परिवारसँग दसैँको टीका लगाउँदै बाढीपीडितलाई सहयोग गर्दै ऋषि धमला
नुवाकोट/धादिङ । स्वतन्त्र नागरिक अभियानका अध्यक्ष ऋषि धमलाले आफ्नै घरपरिवारसँग दसैँको टीका लगाएर आशीर्वाद ग्रहण गर्दै बाढीपहिरोबाट प्रभावित परिवारको खुसीमा समेत साथ दिएका छन्।
आफ्नो परिवारसँग दसैँ मनाउँदै पनि अध्यक्ष धमलाले नुवाकोट र धादिङका विभिन्न स्थानमा पुगेर बाढीपीडित परिवारलाई नगद रकम, खसी तथा खाद्यान्न सहयोग गरेका हुन्।
दसैँ आफ्नो परिवारमा मात्रै सीमित नराखी विपत्तिमा परेका परिवारले पनि खुसीका साथ चाडपर्व मनाउन सकून् भन्ने उद्देश्यले उनले सहयोग गरेका छन्।
आफूले टीका लगाउँदै, अरूको घरमा पनि दसैँको खुसी पुर्याउँदै—ऋषि धमलाको मानवीय पहल।
