भदौ २७ – देशले नयाँ राजनीतिक मोड लिएको छ।
राष्ट्रपति रामचन्द्र पौडेलले आगामी ६ महिनाभित्रै प्रतिनिधिसभाको नयाँ निर्वाचन गराउने गरी पूर्वप्रधानन्यायाधीश सुशीला कार्कीलाई प्रधानमन्त्रीमा नियुक्त गरेका छन् । यो निर्णयसँगै अब देशले नयाँ जनादेशका लागि बाटो तय गरेको छ। प्रधानमन्त्री कार्कीको मुख्य जिम्मेवारी नै आगामी फागुन महिनाभित्र निष्पक्ष र शान्तिपूर्ण तरिकाले प्रतिनिधिसभाको निर्वाचन सम्पन्न गर्नु हुनेछ। यस कदमलाई नेपालको राजनीतिक इतिहासमा एउटा महत्वपूर्ण परिवर्तनको रूपमा हेरिएको छ।
नयाँ सरकार गठन र निर्वाचनको तयारीले देशमा राजनीतिक स्थिरता र जनअपेक्षालाई सम्बोधन गर्ने विश्वास लिइएको छ।
