असोज १२ – वीरगन्जस्थित माईस्थानको गहवामाई मन्दिरमा आज बिहानैदेखि दर्शनार्थीहरूको भीड लागेको छ। श्रद्धालुहरू पूजा–आराधना र आशीर्वाद लिन बिहान सबेरैदेखि नै मन्दिर पुगेका छन्।
स्थानीयहरूको अनुसार बिहानैदेखि सुरु भएको दर्शनको क्रम दिनभर निरन्तर जारी छ भने साँझतिर भक्तजनको चाप अझै बढ्ने गरिएको छ। गहवामाईलाई शक्तिको प्रतीक मान्ने भक्तजनहरूले भाकल गर्ने, प्रसाद चढाउने र परिवारको सुख–समृद्धिको कामना गर्ने परम्परा अनुसार मन्दिर परिसर आज दिनभरै चहलपहलपूर्ण बनेको छ।
मन्दिर परिसरमा पूजाआजासँगै भजन–कीर्तन र धार्मिक गीतहरूको ध्वनि गुन्जिएको छ। यसले वातावरणलाई अझै भक्तिमय बनाएको स्थानीयले बताए। सुरक्षाको दृष्टिले पनि प्रहरीको उपस्थिति बढाइएको छ ताकि भक्तजनहरूले सहज र सुरक्षित रूपमा दर्शन गर्न सकून्।
गहवामाई मन्दिर वीरगन्जवासी मात्र होइन, पर्सा ,बारा साथै छिमेकी जिल्ला तथा बिहारबाट समेत बआउने श्रद्धालुहरूको आस्थाको केन्द्र मानिन्छ। विशेष पर्व र तिथिहरूमा यहाँ दसौँ हजार दर्शनार्थीहरू भेला हुने गर्छन्। आजको दिन पनि त्यसैगरी उल्लासपूर्ण देखिएको छ।
