मधेश प्रदेशको मुख्यमन्त्रीमा दोस्रो दाबी पेस भएको छ। मधेशको मुख्यमन्त्रीका लागि नेपाली कांग्रेसका कृष्णा यादवले पनि दाबी पेस गरेका हुन्।
प्रदेश प्रमुखको कार्यालयमा कांग्रेस संसदीय दलका नेता कृष्णा यादवको नेतृत्वमा सरकार बनाउन दाबी दर्ता भएको हो। प्रदेश प्रमुख कार्यालयका अनुसार कांग्रेस, नेकपा एमाले र जनमत पार्टीका ५७ जना सांसदको समर्थन रहेको छ।
प्रदेश प्रमुखको कार्यालयले आज दिउँसो ४ बजेसम्म दाबी पेस गर्न समय दिएको छ। यसअघि साना ५ दलले सरकार बनाउन दाबी पेस गरेका थिए।
