पिपुल फर्स्ट पार्टीका उम्मेदवार हैदरको घरदैलो अभियान तीव्र
वीरगन्ज, पर्सा । आसन्न निर्वाचन नजिकिँदै गर्दा पर्सा क्षेत्र नं. १ मा चुनावी माहोल झन् सक्रिय बन्दै गएको छ। विभिन्न दलका उम्मेदवारहरू मतदातासँग प्रत्यक्ष भेटघाटमा व्यस्त छन्। यसै सिलसिलामा पिपुल फर्स्ट पार्टीका तर्फबाट प्रतिनिधिसभा सदस्यका उम्मेदवार जाबेद एकबाल हैदरले घरदैलो अभियानलाई निरन्तरता दिनुभएको छ।
आज उम्मेदवार हैदरले क्षेत्र नं. १ अन्तर्गतका वडा नं. १८ र २१ मा पुगेर स्थानीय बासिन्दासँग भेटघाट गर्नुभयो। उनले जनताका समस्या सुन्दै आफ्नो पक्षमा मत दिन आग्रह गर्नुभएको थियो। “परिवर्तनका लागि मलाई चुन्नुस्” भन्ने नारासहित उनले मतदातासँग भलाकुसारी गर्दै आफ्नो चुनावी एजेन्डा प्रस्तुत गर्नुभएको छ।
