फागुन २१ को निर्वाचन: आजदेखि औपचारिक प्रचार–प्रसार सुरु
काठमाडौं — आगामी फागुन २१ गते हुने प्रतिनिधिसभा सदस्य निर्वाचनका लागि आजदेखि औपचारिक रूपमा प्रचार–प्रसार गर्न पाइने भएको छ। निर्वाचन आयोगको कार्यतालिका अनुसार उम्मेदवारहरूले तोकिएको आचारसंहिता पालना गर्दै घरदैलो, सभा–सम्मेलन तथा विभिन्न प्रचारात्मक कार्यक्रम सञ्चालन गर्न सक्नेछन्।
निर्वाचन नजिकिँदै जाँदा देशभर चुनावी माहोल तातिँदै गएको छ भने राजनीतिक दल तथा उम्मेदवारहरू आ–आफ्ना एजेन्डा लिएर मतदातामाझ पुग्ने तयारीमा जुटेका छन्। आयोगले स्वच्छ, निष्पक्ष र मर्यादित प्रतिस्पर्धाका लागि आचारसंहिता कडाइका साथ पालना गर्न सबै पक्षलाई आग्रह गरेको छ।
