पर्सामा अनेरास्ववियुको चुनावी विद्यार्थी भेला भव्य रूपमा सम्पन्न
पर्सामा आयोजित चुनावी विद्यार्थी भेला उत्साहजनक सहभागितासहित भव्य रूपमा सम्पन्न भएको छ। कार्यक्रमको अध्यक्षता सुजित मण्डल ले गर्नुभएको थियो।
कार्यक्रमका प्रमुख अतिथि समीम बाबु खान (सचिव तथा प्रवक्ता– अनेरास्ववियु केन्द्रीय कमिटी) रहनुभएको थियो। प्रमुख वक्ताका रूपमा प्रदीप यादव (निवर्तमान खानेपानी मन्त्री तथा प्रतिनिधि सभा उम्मेदवार, पर्सा–१) ले सम्बोधन गर्नुभयो।
विशिष्ट अतिथिका रूपमा विजय सरावगी (केन्द्रीय सदस्य, नेकपा एमाले तथा पूर्व मेयर, वीरगंज महानगरपालिका) को उपस्थिति रहेको थियो।
त्यसैगरी अतिथिहरूमा आशिफ आलम (केन्द्रीय सदस्य, अनेरास्ववियु) र सुन्दर कुर्मी (सचिवालय सदस्य तथा प्रवक्ता– नेकपा एमाले पर्सा) सहभागी हुनुभएको थियो। कार्यक्रम सञ्चालन रेयाज अंसारी ले गर्नुभएको थियो।
विद्यार्थीहरूको उल्लेखनीय उपस्थितिसँगै कार्यक्रम उत्साहपूर्ण र सफलतापूर्वक सम्पन्न भएको आयोजकले जनाएको छ। ✊📚
