- पर्सा–१ मा त्रिपक्षीय भिडन्त : प्रदीप यादव अग्रस्थानमा, अनिल रुगटा दोस्रो र हरि पन्त तेस्रोमा जनताको आकलन
पर्सा क्षेत्र नं १ मा चुनावी सरगर्मी दिनप्रतिदिन बढ्दै गएको छ। पूर्व मन्त्री प्रदीप यादव प्रति जनसमर्थन उल्लेख्य रूपमा बढेको भन्दै समर्थकहरूले उनलाई अग्रस्थानमा रहेको दाबी गरेका छन्। घरदैलो अभियान र चुनावी सभामा देखिएको भीडले पनि उनको पक्षमा माहोल बलियो बन्दै गएको संकेत गरेको छ।
जनताको आकलन अनुसार दोस्रो स्थानमा अनिल रुगटा रहेका छन्। उनले पनि विभिन्न वडामा सक्रिय प्रचार–प्रसार गरिरहेका छन्।
त्यसैगरी तेस्रो स्थानमा हरि पन्त रहेको जनमत सर्वेक्षणको अनुमान छ।
पर्सा–१ मा अहिले त्रिपक्षीय कडा प्रतिस्पर्धा देखिएको छ। मुख्य तीन उम्मेदवारबीच मतदातालाई आफ्नो पक्षमा पार्न तीव्र होडबाजी चलिरहँदा अन्तिम परिणाम कसको पक्षमा जान्छ भन्ने चासो बढेको छ।
