‘मौन अवधि’ सुरु: के गर्न पाइन्छ, के पाइँदैन?
निर्वाचन आयोग ले प्रतिनिधिसभा सदस्य निर्वाचनका लागि प्रचारप्रसारको अवधि सोमबार राति १२ बजेदेखि औपचारिक रूपमा समाप्त गरेको छ। अब मतदान सम्पन्न नभएसम्म ४८ घण्टे ‘मौन अवधि’ लागू हुनेछ।
के गर्न पाइँदैन?
कुनै पनि प्रकारको चुनावी प्रचारप्रसार, सभा, भेला, भाषण र छलफल
सामाजिक सञ्जाल (फेसबुक, भाइबर, एसएमएस आदि) मार्फत मत माग्ने गतिविधि
उम्मेदवार वा दलको पक्षमा समाचार/सूचना प्रकाशन–प्रसारण
मतदान केन्द्रको ३०० मिटर वरिपरि प्रचार सामग्री राख्न
उल्लङ्घन गरे के हुन्छ?
मौन अवधि तोडेर निर्वाचन प्रभावित गर्ने गतिविधि गरे उम्मेदवारी खारेजीदेखि ६ वर्षसम्म निर्वाचन प्रक्रियामा भाग लिन नपाउनेसम्मको कारबाही हुन सक्ने कार्यवाहक प्रमुख निर्वाचन आयुक्त रामप्रसाद भण्डारीले जानकारी दिएका छन्। आयोगले शून्य सहनशीलताको नीति अपनाउने स्पष्ट पारेको छ।
किन महत्वपूर्ण?
मौन अवधिले मतदातालाई दबाब र प्रभावबाट मुक्त भई ‘फ्रेस’ दिमागले निर्णय गर्ने अवसर दिन्छ। साथै सुरक्षा निकाय र कर्मचारीलाई शान्तिपूर्ण वातावरणमा मतदानको व्यवस्थापन गर्न समय मिल्छ।
आयोगका अनुसार यसपटक देशभर १० हजार ९६७ मतदान स्थल र २३ हजार ११२ मतदान केन्द्र निर्धारण गरिएको छ। निर्वाचन सुरक्षाका लागि नेपाली सेना, नेपाल प्रहरी, सशस्त्र प्रहरी र अन्य सुरक्षा निकाय खटिएका छन्।
