वीरगञ्ज महानगरमा सरकारी निर्देशन अवज्ञा: मन्त्रालयले आर्थिक र प्रशासनिक अधिकार खारेज
वीरगञ्ज — संघीय मामिला तथा सामान्य प्रशासन मन्त्रालय ले वीरगञ्ज महानगरपालिकामा देखिएको प्रशासनिक विवादबीच कडा कदम चालेको छ।
सरकारले खटाएका प्रमुख प्रशासकीय अधिकृत रेशमलाल कंडेललाई हाजिर नगराएपछि मन्त्रालयले हालसम्म आर्थिक तथा प्रशासनिक अधिकार प्रयोग गर्दै आएका कर्मचारीहरूको अधिकार खारेज गरिदिएको जनाएको छ।
मन्त्रिपरिषद्को २०८२ फागुन १२ गतेको निर्णयअनुसार कंडेललाई महानगरमा पठाइएको भए पनि उनी कार्यभार सम्हाल्न नपाएको अवस्थाले विवाद चर्किएको थियो।
मन्त्रालयको यो निर्णयले महानगरको दैनिक प्रशासन र आर्थिक गतिविधिमा प्रत्यक्ष प्रभाव पर्ने देखिएको छ।
