बिकन माध्यमिक विद्यालयको एसईईमा शतप्रतिशत सफलता, विद्यालयमा उत्सवको माहोल
अभिलाष गुप्ता
वीरगञ्ज, २९ वैशाख
वीरगञ्ज–४ भगवतीटोलस्थित बिकन माध्यमिक विद्यालयले एसईई २०८२ मा शतप्रतिशत नतिजा हासिल गर्दै उत्कृष्ट सफलता प्राप्त गरेको छ। विद्यालयका सबै विद्यार्थी उत्तीर्ण भएपछि विद्यालय परिवारमा खुसीको माहोल छाएको हो।
विद्यालयका अनुसार २ जना विद्यार्थीले A+ , १० जनाले A, ६ जनाले B+ तथा ३ जनाले B ग्रेड प्राप्त गरेका छन्। उत्कृष्ट नतिजासँगै विद्यालयले शैक्षिक गुणस्तर कायम राख्न सफल भएको जनाएको छ।
नतिजापछि विद्यालयका सञ्चालक प्रकाश उपाध्याय, मुना खनाल, प्रिन्सिपल जय दनुवार तथा शिक्षकहरूले विद्यार्थीलाई बधाई दिँदै उज्ज्वल भविष्यको शुभकामना व्यक्त गरेका छन्।
उपलब्धिको खुसीमा विद्यालयमा मिठाई तथा चकलेट वितरण गरी उत्सवसमेत मनाइएको थियो। विद्यालय प्रशासनले विद्यार्थीको मेहनत, शिक्षकको मार्गदर्शन र अभिभावकको सहयोगले सफलता सम्भव भएको जनाएको छ।
