रेडक्रस केन्द्रीय सदस्य सर्राफलाई मेयर सिंहद्वारा स्वागत तथा सम्मान
वीरगंज महानगरपालिकाका प्रमुख राजेशमान सिंहले नेपाल रेडक्रस सोसाइटीको केन्द्रीय कार्यसमितिको सदस्यमा मनोनीत पर्साका विक्की कुमार सर्राफलाई स्वागत तथा सम्मान गरेका छन्।
सामाजिक तथा मानवीय सेवामा सक्रिय सर्राफलाई नयाँ जिम्मेवारीका लागि बधाई दिँदै मेयर सिंहले सफल कार्यकालको शुभकामना व्यक्त गरेका छन्।
वीरगंजको सडक पेटीमा कपडा व्यापारबाट व्यवसायिक यात्रा सुरु गरेका सर्राफले निरन्तरको मेहनतबाट व्यवसाय विस्तार गर्दै सामाजिक तथा मानवीय सेवामा समेत सक्रिय पहिचान बनाएका छन्।
