दसैँअघि नै शिक्षा नियमावलीको एघारौँ संशोधन टुङ्ग्याउन शिक्षामन्त्रीको निर्देशन
काठमाडौँ, ७ असोज । शिक्षा तथा खेलकुदमन्त्री सस्मित पोखरेलले शिक्षा नियमावलीको एघारौँ संशोधनको प्रक्रिया दसैँअघि नै टुङ्ग्याउन मन्त्रालयका पदाधिकारीलाई निर्देशन दिनुभएको छ।
मन्त्री पोखरेलले मन्त्रालयका सचिवसहितका अधिकारीसँग छलफल गर्दै मस्यौदा तयार गरी नयाँ नियमावली लागू गर्ने गरी काम गर्न निर्देशन दिनुभएको हो।
दसौँ संशोधनपछि देखिएका शिक्षक सरुवाका प्राविधिक समस्या, विद्यालय व्यवस्थापन समितिसम्बन्धी जटिलता लगायतका विषय सम्बोधन गर्ने गरी एघारौँ संशोधनको मस्यौदा तयार भइरहेको मन्त्रालयले जनाएको छ।
यसअघि मन्त्रालयले सातै प्रदेशसहित विभिन्न सरोकारवालासँग छलफल गरी संशोधनका लागि राय–सुझाव संकलन गरेको थियो।
