बारामा प्रहरी सईको पेस्तोल खोसेर तस्कर फरार भएको छ। इलाका प्रहरी कार्यालय कबहीमा कार्यरत सई सोनुकुमार मिश्रले ड्युटीकै क्रममा बोकेको ‘नाइन एमएम’ पेस्तोल तस्कर समूहले लुटेर लगेका हुन्। पुस ११ गते शुक्रबार साँझ तस्करी नियन्त्रणका क्रममा पेस्तोल ताक्नेबित्तिकै तस्करहरूले उनको हात समातेर हतियार खोसेर फरार भएको प्रहरी स्रोतले जनाएको छ ¹ ² ³।
अझ गम्भीर पक्ष भनेको घटना भएको सात दिनसम्म प्रहरी संगठनले यस विषयलाई बाहिर नल्याउनु हो। प्रहरी स्रोतका अनुसार सई मिश्र आफ्नो कार्यक्षेत्रमा कमजोर अधिकृतको रूपमा चिनिँदै आएका थिए। यस्तो जानकारी हुँदाहुँदै पनि जिल्ला प्रहरी कार्यालयले उनलाई प्रतिस्थापन नगर्दा तस्कर समूहले सहजै मौका पाएको आरोप उठेको छ।
