नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ कहाँबाट चुनाव लड्ने भन्ने बारेमा अझै निर्णय भएको छैन। उनको नाम १६ वटा निर्वाचन क्षेत्रबाट सिफारिस भएको छ, जसमा कालिकोट, कास्की क्षेत्र नम्बर ३, नुवाकोट–१, सिन्धुली–२, रामेछाप, महोत्तरी–४, गोरखा–१, रोल्पा, रुकुमपूर्व र कैलाली–३ समावेश छन्।
प्रचण्डलाई यसपटक पनि क्षेत्र परिवर्तन गर्न दबाब छ। उनी कहाँबाट उठ्छन् भन्ने बारेमा निकटस्थहरूले रुकुमपूर्वमा बढी सम्भावना भएको बताएका छन्। रुकुमपूर्वमा प्रचण्डसहित महिला, युवा, जेनजी, अवसर नपाएका, पुराना गरी ९ जनाको नाम सिफारिस भएको छ।
