पर्सा–३ मा रुपेश पाण्डेको राजनीतिक साख संकटमा, मतदातामा गहिरो अविश्वास
पर्सा – नेकपा एमालेका तर्फबाट पर्सा क्षेत्र नं. ३ का उम्मेदवार रुपेश पाण्डेमाथि स्थानीय मतदाताले भरोसा गर्न नसक्ने गम्भीर आरोप लगाएका छन्। लामो समयसम्म क्षेत्रमा निष्क्रिय रहेको, जनताका समस्यामा साथ नदिएको र चुनाव नजिकिँदा मात्रै देखापर्ने नेताका रूपमा उनी चिनिन थालेको स्थानीयको गुनासो छ।
पोखरिया तथा आसपासका गाउँका मतदाताले पाण्डे जनतासँग प्रत्यक्ष सम्पर्कमा नरहने, विकासका मुद्दामा ठोस भूमिका नखेल्ने र चुनावी बेला मात्र आश्वासन बाँड्ने प्रवृत्तिका नेता भएको आरोप लगाएका छन्। “हामीलाई भाषण होइन, काम गर्ने नेता चाहिएको हो,” एक स्थानीय मतदाताले आक्रोश पोख्दै भने।
यस्तै असन्तुष्टिका कारण पर्सा–३ मा एमालेको चुनावी अभियान कमजोर बन्दै गएको विश्लेषण गरिँदैछ। स्थानीयस्तरमा विश्वास गुमाउँदै गएका पाण्डेका लागि आगामी चुनाव सहज नहुने राजनीतिक वृत्तमा चर्चा सुरु भएको छ।
