पटक–पटक मुद्दा झेलेका पर्सा–१ का ‘CA’ अजय चौरसियामाथि झुटा आश्वासन बाँडेको जनताको आरोप
पर्सा – पर्सा क्षेत्र नं. १ मा चुनावी गतिविधि तीव्र बन्दै जाँदा नेपाली कम्युनिस्ट पार्टीका उम्मेदवार ‘CA’ अजय चौरसियामाथि मतदातालाई झुटा आश्वासन बाँड्दै आएको आरोप लागेको छ।
स्थानीय बासिन्दाहरूका अनुसार अघिल्ला चुनावहरूमा गरेका विकाससम्बन्धी प्रतिबद्धता व्यवहारमा देखिन नसकेको गुनासो दोहोरिँदै आएको छ। पटक–पटक विभिन्न मुद्दा खेपेको पृष्ठभूमिका कारण उनको राजनीतिक विश्वसनीयतामाथि प्रश्न उठेको केही मतदाताको भनाइ छ।
यता, अजय चौरसिया पक्षले भने आफूविरुद्ध लगाइएका आरोपहरू राजनीतिक प्रेरित र आधारहीन भएको दाबी गरेको छ।
चुनाव नजिकिँदै जाँदा आरोप–प्रत्यारोपको राजनीति चुलिँदै गएको छ। अन्ततः मतदाताले काम, व्यवहार र विश्वासका आधारमा आफ्नो निर्णय दिने बताएका छन्।
