चुनावका बेला पनि इन्धन अभाव नहुने : नेपाल आयल निगम
काठमाडौं । प्रतिनिधिसभा निर्वाचन नजिकिँदै गर्दा बजारमा इन्धन अभाव हुने हल्ला फैलिएका बेला नेपाल आयल निगम ले पेट्रोलियम पदार्थको आपूर्ति नियमित रहने स्पष्ट पारेको छ।
निगमका अनुसार भारतबाट पेट्रोलियम पदार्थको आयात सहज रूपमा भइरहेकाले चुनावका कारण आपूर्तिमा कुनै अवरोध नआउने जनाएको छ। अनावश्यक रूपमा इन्धन भण्डारण नगर्न आमसर्वसाधारणलाई आग्रह गर्दै निगमले बजारमा कृत्रिम अभाव सिर्जना नगर्न सचेत गराएको छ।
निगमले देशभरका डिपो तथा पेट्रोल पम्पमा पर्याप्त मौज्दात रहेकाले ढुक्क भएर नियमित रूपमा इन्धन प्रयोग गर्न उपभोक्तालाई अनुरोध गरेको छ।
