निर्वाचन बिथोल्नेलाई कडा कारबाही हुने आईजीपीको चेतावनी
दानबहादुर कार्की ले प्रतिनिधिसभा सदस्य निर्वाचन, २०८२ लाई शान्तिपूर्ण र भयरहित वातावरणमा सम्पन्न गर्न देशभर सुरक्षा व्यवस्था कडा पारिएको बताएका छन्।
निर्वाचन सुरक्षा व्यवस्थापनबारे जानकारी दिँदै उनले मतदान केन्द्रहरूमा पर्याप्त सुरक्षाकर्मी परिचालन गरिएको, आवश्यक स्थानमा हेलिकप्टर तयारी अवस्थामा राखिएको र मतदातालाई निर्धक्क भएर मतदान गर्न आग्रह गरेका छन्।
आईजीपी कार्कीले निर्वाचन बिथोल्ने, आचारसंहिता उल्लंघन गर्ने वा उच्छृङ्खल गतिविधिमा संलग्न हुने जोकोहीमाथि कानुनअनुसार कडा कारबाही गरिने र आवश्यक परे बल प्रयोग गर्नसमेत पछि नहट्ने स्पष्ट चेतावनी दिएका छन्।
