क्लासिक होटल हटाएको रिसमा प्रतिशोधको राजनीति ?
वीरगञ्ज । नालामाथि निर्माण गरिएको भनिएको क्लासिक होटल भवन तीन वर्षअघि वीरगञ्ज महानगरपालिकाले हटाएपछि हाल सांसद बनेका हरि पन्त प्रतिशोधको राजनीतिमा लागेको आरोप लाग्न थालेको छ।
स्थानीयवासी तथा मेयर राजेशमान सिंहका समर्थकहरूका अनुसार अवैध संरचना हटाउने कार्य कानुनअनुसार गरिएको थियो। केन्द्र सरकारले समेत सार्वजनिक जग्गा र नालामाथिका संरचना हटाउँदै आएको अवस्थामा वीरगञ्ज महानगरले पनि सोही अभियानअन्तर्गत क्लासिक होटल हटाएको उनीहरूको भनाइ छ।
विकासका काममा केन्द्रित हुनुपर्ने बेला पुरानो विषयलाई लिएर मेयर राजेशमान सिंहविरुद्ध राजनीतिक अभियान चलाइएको भन्दै आलोचना भइरहेको छ। अन्ततः देश संविधान र कानुनअनुसार चल्ने भएकाले सार्वजनिक क्षेत्र अतिक्रमणसम्बन्धी विषय कानुनी प्रक्रियाबाटै टुंगिनुपर्ने धारणा व्यक्त गरिएको छ।
