दुई अर्ब घोटाला प्रकरणमा संसदीय छानबिनको माग
काठमाडौं । राप्रपा सांसद ज्ञानेन्द्र शाहीले दुई अर्ब रुपैयाँ घोटाला भएको दाबी गर्ने अर्थमन्त्रीलाई संसदीय छानबिन समिति गठन गरी सत्य तथ्य सार्वजनिक गर्न चुनौती दिएका छन्।
सामाजिक सञ्जालमार्फत प्रतिक्रिया दिँदै शाहीले यदि घोटाला भएको हो भने निष्पक्ष संसदीय छानबिनबाट दोषी र निर्दोष छुट्याउनुपर्ने बताएका छन्। उनले सरकार छानबिनबाट किन डराइरहेको छ भन्दै प्रश्न उठाएका छन्।
शाहीले लोकतन्त्रमा पारदर्शिता, जवाफदेहिता र निष्पक्षता सबैका लागि समान हुनुपर्ने उल्लेख गर्दै सम्बन्धित फाइलहरू सार्वजनिक गरी सत्य तथ्य जनतासामु ल्याउन सरकारसँग माग गरेका छन्।
