मिटरब्याज पीडितको जनकपुरबाट काठमाडौंसम्म पैदल मार्च सुरु
जनकपुरधाम, असार २५ — देशभरका मिटरब्याज पीडितहरूले जनकपुरधामस्थित तिरहुतिया गाछी मैदानबाट काठमाडौंसम्मको पैदल मार्च सुरु गरेका छन्।
पीडितहरूले देशभरका मिटरब्याज पीडितलाई यात्रामा सहभागी हुन आह्वान गर्दै सरकारले आफ्ना माग समयमै सम्बोधन गर्ने आशा व्यक्त गरेका छन्। उनीहरूले माग पूरा नभए काठमाडौं पुगेर सरकारविरुद्ध आन्दोलन गर्ने चेतावनीसमेत दिएका छन्।
