पर्सा–२ मा आरोपको आँधी, चुनावी तापक्रम उच्च
पर्सा निर्वाचन क्षेत्र नं. २ मा चुनाव नजिकिँदै जाँदा राजनीतिक माहोल झन् तातिएको छ। अजय चौरसिया विरुद्ध जसवन्त यादव ले गम्भीर आरोप सार्वजनिक गरेपछि आरोप–प्रत्यारोपको श्रृंखला सुरु भएको हो।
सखुवा प्रसौनी नगरपालिकाका मेयर यादवले सार्वजनिक अभिव्यक्तिमा चौरसिया “नेपालको कानुन नै बेच्ने कार्यमा संलग्न” रहेको दाबी गर्दै निष्पक्ष छानबिनको माग गरेका छन्।
यता कांग्रेस पक्षले भने उक्त आरोपलाई आधारहीन र चुनावी स्टन्टको संज्ञा दिएको छ। नेताहरूले प्रमाणसहित आरोप पुष्टि गर्न चुनौती दिँदै यसलाई मतदातालाई भ्रमित गर्ने प्रयास भएको बताएका छन्।
आरोप सार्वजनिक भएसँगै पर्सा–२ को चुनावी बहस मुद्दामुखीभन्दा व्यक्तिमुखी बन्दै गएको देखिन्छ। मतदाताको ध्यान अब आरोपको सत्यता र राजनीतिक शिष्टाचारतर्फ केन्द्रित हुन थालेको छ।
