तराईको सुरक्षा अवस्थाबारे अध्ययन गर्न उमा प्रसाद चतुर्वेदी खटाइए
काठमाडौं । सरकारले निर्वाचनका बेलामा तराई क्षेत्रमा हुनसक्ने सुरक्षा संवेदनशीलताबारे बुझ्न प्रहरी अतिरिक्त महानिरीक्षक (एआईजी) उमा प्रसाद चतुर्वेदीलाई खटाएको छ।
गृह प्रशासनको निर्णयअनुसार चतुर्वेदीले तराईका विभिन्न जिल्लामा पुगेर स्थलगत सुरक्षा अवस्थाको मूल्याङ्कन गर्ने तथा स्थानीय सुरक्षा निकायसँग समन्वय गर्ने जिम्मेवारी पाएका छन्।
निर्वाचनलाई शान्तिपूर्ण, निष्पक्ष र भयरहित वातावरणमा सम्पन्न गराउने उद्देश्यले उक्त कदम चालिएको बताइएको छ। सरकारले निर्वाचन अवधिभर सुरक्षा सतर्कता उच्च बनाइने समेत जनाएको छ।
