ठेक्का अलपत्र पारेको आरोपमा निर्माण व्यवसायी रमेश शर्मा पक्राउ
काठमाडौं । प्रहरीले ‘शर्मा एण्ड कम्पनी’का सञ्चालक तथा निर्माण व्यवसायी रमेश शर्मालाई पक्राउ गरेको छ। विकास निर्माणका विभिन्न योजना सम्झौताअनुसार समयमै सम्पन्न नगरी अलपत्र पारेको आरोपमा उनलाई काठमाडौं उपत्यका अपराध अनुसन्धान कार्यालयको टोलीले नियन्त्रणमा लिएको हो।
प्रहरीका अनुसार पक्राउपछि शर्मालाई थप अनुसन्धान तथा कारबाहीका लागि सहरी विकास मन्त्रालयमा बुझाइएको छ। पछिल्लो समय सरकारले ठेक्का ओगटेर काम नगर्ने निर्माण कम्पनी तथा व्यवसायीमाथि निगरानी र कारबाही तीव्र बनाइरहेका बेला यो पक्राउलाई अर्थपूर्ण रूपमा हेरिएको छ।
