रौतहटमा युवकले गरे आत्मदाहको प्रयास, थप उपचारका लागि काठमाडौं रिफर
रौतहटको गरुडा नगरपालिका–९, गम्हरियाका २८ वर्षीय गौतमकुमार सहनीले आफ्नै शरीरमा पेट्रोल छर्केर आत्मदाहको प्रयास गरेका छन्।
मंगलबार राति करिब १ बजे भएको घटनापछि उनलाई तत्काल स्थानीय अस्पतालमा उपचारका लागि लगिएको थियो। जिल्ला प्रहरी कार्यालय रौतहटका अनुसार उनको घाँटीदेखि तलसम्म करिब ३१ प्रतिशत शरीर जलेको छ र अवस्था मध्यम रहेको छ।
थप उपचारका लागि उनलाई काठमाडौंस्थित कीर्तिपुर बर्न अस्पताल रिफर गरिएको प्रहरीले जनाएको छ। घटनाको कारण खुल्न बाँकी रहेको र प्रहरीले थप अनुसन्धान गरिरहेको छ।
