प्रहरी महानिरीक्षक कार्कीद्वारा १० प्राविधिक प्रहरी अधिकृतलाई दर्ज्यानी चिन्ह प्रदान
काठमाडौँ, २१ साउन — प्रहरी महानिरीक्षक दानबहादुर कार्कीले पदोन्नति भएका १० जना प्राविधिक प्रहरी अधिकृतलाई दर्ज्यानी चिन्ह प्रदान गरेका छन्।
नेपाल प्रहरी प्रधान कार्यालयमा आयोजित समारोहमा प्राविधिक प्रहरी वरिष्ठ उपरीक्षकदेखि प्राविधिक प्रहरी निरीक्षकसम्म पदोन्नति भएका अधिकृतलाई दर्ज्यानी चिन्ह प्रदान गरिएको हो।
समारोहमा प्रहरी महानिरीक्षक कार्कीले शान्तिसुरक्षा व्यवस्थापन, अपराध नियन्त्रण तथा अनुसन्धानलाई प्रभावकारी बनाउन प्राविधिक प्रहरी समूहको महत्वपूर्ण भूमिका रहेको बताए।
