वीरगञ्जको ट्राफिक व्यवस्थापनबारे जेन–जी पर्साको छलफल
वीरगञ्ज तथा पर्साको ट्राफिक व्यवस्थापन र सडक सुरक्षा सुधारका विषयमा जेन–जी पर्साका संयोजक विशेष साहको नेतृत्वमा टोलीले जिल्ला ट्राफिक प्रहरी कार्यालय, पर्साका प्रमुख दीपेन्द्र श्रेष्ठसँग भेटघाट गरी छलफल गरेको छ।
छलफलमा सडक निर्माण तथा भत्काउने कार्यका कारण हुने आवागमन समस्या, ठूला सवारीसाधनको व्यवस्थापन, जोखिमयुक्त स्थानमा सावधानी तथा दुर्घटना न्यूनीकरणका विषयमा सुझाव दिइएको थियो।
त्यस्तै, ट्राफिक नियमको प्रभावकारी कार्यान्वयन र सडक सुरक्षालाई थप व्यवस्थित बनाउने विषयमा समेत छलफल भएको छ।
छलफलमा लालबाबु यादव, रवि चौरसिया, सागर सहनी, शिव पटेल, सुशील पटेल, सुकेश पटेललगायत जेन–जी पर्साका सदस्यहरूको सहभागिता रहेको थियो।
