अमेरिकाले भेनेजुएलामा आक्रमण गरेको छ, जसको फलस्वरूप राष्ट्रपति निकोलस मादुरोले देशभर आपतकाल घोषणा गरेका छन्। अमेरिकी सञ्चारमाध्यम सीबीएस न्युजका अनुसार अमेरिकाका राष्ट्रपति डोनाल्ड ट्रम्पले भेनेजुएलाका सैन्य अड्डा र प्रमुख स्थानहरूमा आक्रमण गर्न आदेश दिएका थिए।
आक्रमणपछि भेनेजुएलाका राष्ट्रपति निकोलस मादुरोले विज्ञप्ति जारी गरी कडा जवाफ दिइने चेतावनी दिएका छन्। उनले अमेरिकाको यो कदमलाई साम्राज्यवादी आक्रमणको संज्ञा दिएका छन् ।
