पर्सा–१ मा कडा प्रतिस्पर्धा : प्रदीप यादव अगाडि, त्रिपक्षीय भिडन्तको संकेत
वीरगञ्ज, १६ फागुन – पर्सा निर्वाचन क्षेत्र नम्बर १ मा प्रतिनिधिसभा सदस्य पदका लागि यसपटक कडा प्रतिस्पर्धा देखिएको छ। नेकपा (एमाले)का उम्मेदवार प्रदीप यादव अग्रस्थानमा रहेको आकलन गरिएको छ।
स्थानीय मतदाताको प्रतिक्रिया अनुसार निर्वाचन सम्पन्न हुन एक सातामात्र बाँकी रहँदा एमाले पहिलो, नेपाली कांग्रेस दोस्रो र राष्ट्रीय स्वतन्त्र पार्टी तेस्रो स्थानमा रहने अनुमान गरिएको छ। यद्यपि राजनीतिक विश्लेषकहरूले अन्तिम समयसम्म परिणाम अनिश्चित रहने बताएका छन्।
रास्वपाबाट होटल व्यवसायी हरि पन्त उम्मेदवार रहेका छन्। उनले पनि स्वतन्त्र धारका मतदाता र युवा पुस्तामा जनाधार विस्तार गर्ने प्रयास गरिरहेका छन्।
समर्थकहरूका अनुसार खानेपानी, सडक तथा पूर्वाधार विकास, धार्मिक क्षेत्र संरक्षण र सार्वजनिक संरचना निर्माणमा खेलेको भूमिकाका कारण यादवलाई बलियो उम्मेदवारका रूपमा हेरिएको छ।
यसपटक पर्सा–१ मा एमाले, कांग्रेस र रास्वपाबीच त्रिपक्षीय प्रतिस्पर्धा हुने संकेत देखिएको छ, जसका कारण अन्तिम परिणामका लागि अन्तिम समयसम्म प्रतीक्षा गर्नुपर्ने अवस्था रहने आकलन गरिएको छ।
