सिरहाको कर्जन्हा नगरपालिका-१, बाल्टियाकी १७ वर्षीया किशोरी अबिना वैधको हत्या उनकै प्रेमी रामबालक चौधरीबाट भएको खुलेको छ। रामबालक चौधरी धनुषाको क्षिरेश्वर नगरपालिका-३ निवासी हुन् र उनलाई सिरहा प्रहरीले पक्राउ गरी सार्वजनिक गरेको छ।
अनुसन्धानअनुसार, रामबालक चौधरी र अबिना वैधबीच प्रेम सम्बन्ध थियो, तर रामबालकले अबिनालाई अन्य पुरुषहरूसँग फोनमा अडियो-भिडियो कलमा कुरा गर्ने गरेको विषयमा आशंका गरेको थियो। यही विषयमा दुबैबीच विवाद भएपछि रामबालकले अबिनाको हत्या गरेको थियो।
पक्राउ परेका रामबालक चौधरीलाई सिरहा जिल्ला अदालतबाट म्याद थप गरी कर्तव्य ज्यान मुद्दामा अनुसन्धान भइरहेको छ।
