राष्ट्रिय स्वतन्त्र पार्टी (रास्वपा)का सभापति रवि लामिछाने र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनबीच भेटवार्ता भएका छन्। बिहीबार (पुस २४) बिहान लामिछानेलाई भेट्न लिङदेन काठमाडौंको बूढानीलकण्ठबीच उनको निवासमा पुगेका थिए। भेटवार्ताको विषय सार्वजनिक गरिएको छैन।
पछिल्लो समयले लिङदेनले विभिन्न पार्टीका शीर्ष नेताहरूसित भेटवार्ता गरिरहेका छन्। यसअघिका भेटवार्तामा नेताहरूलाई उनले राप्रपाले पृथ्वीजयन्तीका अवसरमा पुस २७ गते आयोजना गर्ने कार्यक्रममा उपस्थितिका निम्ति निम्तो दिएका थिए ।
