खेलकुद मन्त्री बब्लु गुप्ताको अमेरिका भ्रमण विवादमा परेको छ। एनआरएनए अमेरिकाको निम्तोमा जाने भनेपनि सोही संस्थाका प्रवक्ता सन्देश उप्रेतीले आफूहरुले संस्था मार्फत कुनै औपचारिक कार्यक्रम नराखेको र मन्त्रीलाई निम्तो नपठाएको एक विज्ञप्ति मार्फत सार्बजनिक गरेका छन्। अमेरिकामा अहिले दुई वटा एनआरएनए सक्रिय छन्। उप्रेती प्रवक्ता रहेको एनआरएनए केहि महिना अघि नियम संगत निर्वाचन भएर निर्वाचित कार्य समिति हो। यो समुहको अध्यक्ष सतेन्द्र साह हुन् ।
मन्त्री गुप्ताको भ्रमण स्वीकृत गर्नु नैतिक रूपमा गलत भएको आरोप लागेको छ। एनआरएनए अमेरिकाले आफ्नो नाम, ईआईएन नम्बर र डिजिटल पहिचानको दुरुपयोग गरी अनधिकृत कार्यक्रम सञ्चालन तथा मानव तस्करीजस्ता गम्भीर गैरकानुनी गतिविधि भइरहेको विश्वसनीय जानकारी प्राप्त भएको जनाएको छ ।
