राष्ट्रिय सभा निर्वाचन आज, १७ पदका लागि मतदान
राष्ट्रिय सभा सदस्यको निर्वाचन आज देशभर एकैसाथ सम्पन्न हुँदैछ। निर्वाचन आयोगका अनुसार बिहान ९ बजेदेखि दिउँसो ३ बजेसम्म मतदान सञ्चालन हुनेछ। राष्ट्रिय सभाका १९ सदस्यको कार्यकाल फागुन २० गते सकिन लागेकाले एक जना मनोनित सदस्यबाहेक १८ पदका लागि निर्वाचन प्रक्रिया अघि बढाइएको हो।
१८ पदमध्ये कोशी प्रदेशबाट नेपाली कांग्रेसका उम्मेदवार सुनिलबहादुर थापा निर्विरोध निर्वाचित भइसकेकाले आज १७ पदका लागि मात्र मतदान हुँदैछ। आयोगका अनुसार सातै प्रदेशमा मतदान केन्द्र तोकिँदै सबै तयारी पूरा गरिएको छ।
