सिजनल नेताबाट पर्सेली जनता आजित
पर्सा जिल्लाको राजनीति पछिल्ला वर्षमा जनअपेक्षाभन्दा टाढा पुगेको भन्दै तीव्र असन्तोष बढ्दै गएको छ। चुनाव नजिकिँदा मात्रै सक्रिय हुने नेताहरूको प्रवृत्तिले स्थानीय जनता दिक्क बनेका छन्।
नेपाली कांग्रेस पर्सा क्षेत्र नम्बर १ का उम्मेदवार अनिल रुंगटा यस्तै “सिजनल नेता” को रूपमा चर्चामा छन्। चुनावका बेला मात्रै देखिने, मत मागेर हराउने शैलीका कारण उनीप्रति विश्वास कमजोर बनेको स्थानीयको गुनासो छ।
पर्साको विकास, शिक्षा, स्वास्थ्य, रोजगारी र सुरक्षाजस्ता आधारभूत विषयमा रुंगटाको ठोस योगदान नदेखिएको आरोप मतदाताले लगाएका छन्। बाढी, महामारी र बेरोजगारीजस्ता संकटका बेला उनी जनतामाझ नदेखिएको प्रश्न पनि उठिरहेको छ।
युवापुस्ता अहिले भाषणभन्दा काम खोजिरहेको छ। त्यसैले पर्सालाई चाहिएको अस्थायी होइन, सधैं जनतासँग रहने जवाफदेही नेतृत्व हो भन्ने आवाज बलियो बन्दै गएको छ।
