‘मिडिया ट्रायल’ गरेर प्रहरीलाई बदनाम गर्ने प्रयास : पूर्व आईजीपी खापुङ
काठमाडौं – पूर्व प्रहरी महानिरीक्षक चन्द्र कुबेर खापुङ ले आफूविरुद्ध ‘मिडिया ट्रायल’ गरिएको आरोप लगाएका छन्।
उनले चुनावको मुखमा विषय बाहिर ल्याएर ‘कन्टेन्ट’ भन्दा ‘टपिक’ मा खेलिएको टिप्पणी गर्दै सामग्रीमा खासै नयाँ कुरा नरहेको दाबी गरे। कर्फ्यु जारी भइसकेपछि गोली हान्ने आदेश दिएको हो कि होइन भन्ने प्रश्नमा उनले “कर्फ्यु आदेशपछि कानून बमोजिम आवश्यकता अनुसार गर्ने भनिएको” स्पष्ट पारे।
उनका अनुसार फिल्डको परिस्थितिअनुसार सुरक्षाकर्मीले निर्णय गर्ने भएकाले प्रत्यक्ष रूपमा गोली हान्न आदेश नदिएको जिकिर गरे। साथै, केही समूहले निर्वाचन परिणाम प्रभावित पार्ने उद्देश्यले भिडियो सार्वजनिक गरेको हुनसक्ने आशंका पनि व्यक्त गरेका छन्।
