गण्डक चोक मा ‘लापसे’ चेकजाँच, दुई चालक कारबाहीमा
अभिलाष गुप्ता
वीरगञ्ज, २५ वैशाख
जिल्ला ट्राफिक प्रहरी कार्यालय पर्सा ले वीरगञ्जको गण्डक चोक मा लागू पदार्थ सेवन (लापसे) चेकजाँचसहित ट्राफिक जनचेतना कार्यक्रम सञ्चालन गरेको छ। कार्यक्रममा चालकहरूको स्वास्थ्य परीक्षण तथा लागू पदार्थ सेवनसम्बन्धी जाँच गरिएको थियो।
नारायणी अस्पताल का चिकित्सकहरूको सहभागितामा सम्पन्न कार्यक्रममा सुरक्षित सवारी सञ्चालन र ट्राफिक नियम पालनाबारे जानकारी दिइएको थियो।
चेकजाँचका क्रममा दुई जना चालक लागू पदार्थ सेवन गरेको अवस्थामा फेला परेको प्रहरीले जनाएको छ। उनीहरूमाथि आवश्यक कानुनी प्रक्रिया अघि बढाइएको छ।
