वीरगञ्ज भन्सार गेटमा लागूऔषधसहित दुई पक्राउ
अभिलाष गुप्ता
वीरगञ्ज, २५ वैशाख
वीरगञ्ज भन्सार मेनगेट क्षेत्रमा सशस्त्र प्रहरीले लागूऔषध चेकजाँचका क्रममा दुई जनालाई ब्राउन सुगर र हिरोइनसहित पक्राउ गरेको छ।
सीमा सुरक्षा गुल्म वीरगञ्जबाट खटिएको टोलीले “दृष्टि” नामक ड्रग्स डिटेक्शन कुकुरको सहयोगमा भारतबाट नेपाल आउँदै गरेको अटोमा चेकजाँच गर्दा ५ ग्राम ब्राउन सुगर र ०.३४ मिलिग्राम हिरोइन जस्तो पदार्थ बरामद गरेको जनाएको छ।
पक्राउ पर्नेमा हेटौंडा–११ सिमलटारका २० वर्षीय सागर घिमिरे र २३ वर्षीया पूजा जिम्बा रहेका छन्। दुवैलाई आवश्यक अनुसन्धानका लागि वडा प्रहरी कार्यालय बिर्तामा बुझाइएको प्रहरीले जनाएको छ।
