लुम्बिनी प्रदेशको उत्कृष्ट प्रहरी घोषित भइन् नैना चौधरी
नवलपरासी (बर्दघाट सुस्ता पश्चिम) जिल्ला प्रहरी कार्यालयमा कार्यरत प्रहरी जवान नैना चौधरी चैत्र महिनाकी उत्कृष्ट प्रहरी घोषित भएकी छन्।
लुम्बिनी प्रदेश प्रहरी कार्यालयको आयोजनामा भएको कार्यक्रममा उनलाई कदर–पत्र र पुरस्कारसहित सम्मान गरिएको हो। कार्यक्रम प्रदेश प्रहरी प्रमुख प्र.ना.म.नि. भूपेन्द्र बहादुर खत्रीको प्रमुख आतिथ्यतामा सम्पन्न भएको थियो।
चौधरीले हराएका व्यक्तिको खोजतलास गरी परिवारसँग पुनर्मिलन गराउने तथा महिला, बालबालिका र ज्येष्ठ नागरिकमाथि हुने घरेलु हिंसा नियन्त्रणमा उल्लेखनीय सेवा प्रदान गरेकी थिइन्। सोही योगदानका आधारमा उनलाई उत्कृष्ट प्रहरी घोषित गरिएको हो।
