परवानीपुरमा रास्वपाको संगठन विस्तार, ४ वडामा नयाँ नेतृत्व चयन
बिरगंज, ०२ जेठ — राष्ट्रिय स्वतन्त्र पार्टी (रास्वपा) ले परवानीपुर गाउँपालिकामा संगठन विस्तार अभियानलाई तीव्र बनाएको छ। वडा नं. १ देखि ४ सम्म सम्पन्न प्रथम वडा भेलाबाट चारै वडामा नयाँ नेतृत्व सर्वसम्मत रूपमा चयन गरिएको छ।
वडा नं. १ मा सुशील मण्डल, वडा नं. २ मा कृष्ण यादव, वडा नं. ३ मा राजेश यादव र वडा नं. ४ मा विजय पटेल सभापतिमा चयन भएका छन्।
कार्यक्रम गाउँपालिका सभापति सन्तोष कुमार यादवको नेतृत्वमा सम्पन्न भएको थियो भने समाजसेवी राज कुमार यादवको विशेष उपस्थिति रहेको थियो। भेलालाई सम्बोधन गर्दै युवा नेता अखिल कुमार पटेलले संगठन विस्तारमा युवाको भूमिका महत्वपूर्ण रहेको उल्लेख गर्दै पार्टीलाई गाउँ–गाउँसम्म सशक्त रूपमा विस्तार गरिने बताएका छन्।
