श्री नेपाल रेल्वे माध्यमिक विद्यालयमा निःशुल्क आँखा शिविर, १४६ जना लाभान्वित
वीरगञ्ज, ०५ जेठ
नेपाल नेत्रज्योति संघ पर्सा को आयोजनामा वीरगञ्जस्थित श्री नेपाल रेल्वे माध्यमिक विद्यालय मा निःशुल्क आँखा परीक्षण, चश्मा तथा औषधि वितरण कार्यक्रम सम्पन्न भएको छ। कार्यक्रममा विद्यार्थी र शिक्षक गरी करिब १४६ जना लाभान्वित भएका थिए।
विद्यालयका प्रधानाध्यापक प्रभु रौनियार को अध्यक्षतामा सम्पन्न कार्यक्रममा संघका उपसभापति मदन प्रसाद गुप्ता ले चश्मा तथा औषधि वितरण गर्दै कार्यक्रम उद्घाटन गरेका थिए। कार्यक्रममा विभिन्न शिक्षक, सामाजिक व्यक्तित्व तथा संघका पदाधिकारीहरूको उपस्थिति रहेको थियो।
