श्राद्ध कार्यका लागि पीडित परिवारलाई खाद्यान्न तथा लत्ताकपडा सहयोग
पर्सा, ११ जेठ
पर्साको जिराभवानी गाउँपालिका–४ सुपौली निवासी जोगीन्दर महराकी छोरीको निधनपछि हुने श्राद्ध कार्यका लागि खाद्यान्न सामग्री तथा लत्ताकपडा सहयोग गरिएको छ। समाजसेवी तथा नेता बृजेश्वर प्रसाद चौधरीको पहलमा पीडित परिवारलाई राहतस्वरूप आवश्यक सामग्री हस्तान्तरण गरिएको हो।
सहयोग अन्तर्गत १ बोरा चामल, २ बोरा चिउरा, १ बोरा आलु र १ प्याकेट प्याज प्रदान गरिएको छ। साथै मृतकका तीन जना बालबालिकालाई कपडा र चप्पल समेत उपलब्ध गराइएको बताइएको छ।
स्थानीयका अनुसार मृतकका पति वर्षौँअघि नै बितिसकेका थिए भने केही दिनअघि उनकी आमाको पनि निधन भएको थियो। परिवारमा रहेका साना बालबालिका हाल नाना–नानीको घरमा आश्रित जीवन बिताइरहेका छन्।
स्थानीयवासीहरूले संकटमा परेको परिवारलाई गरिएको सहयोगप्रति आभार व्यक्त गर्दै थप सहयोगका लागि सरोकारवाला निकाय र समाजसेवीहरूलाई आग्रह गरेका छन्।
