वेदमाता गायत्री शक्तिपीठ वीरगञ्जमा नयाँ ११ सदस्यीय कार्यसमिति चयन
वीरगञ्ज, १६ जेठ
भारतको हरिद्वारबाट आएको टोलीका प्रमुख योइन्द्र सिंहको अध्यक्षतामा वेदमाता गायत्री शक्तिपीठ वीरगञ्जमा सर्वसम्मत रूपमा नयाँ ११ सदस्यीय कार्यसमिति चयन गरिएको छ।
नवनिर्वाचित समितिको अध्यक्षमा प्रदीप केडिया, उपाध्यक्षमा छोटेलाल प्रसाद, महासचिवमा प्रमोद कुमार सर्राफ तथा कोषाध्यक्षमा बिन्जु गुप्ता चयन भएका छन्। त्यसैगरी बैजूलाल स्वर्णकारसहित अन्य सदस्यहरू पनि समितिमा चयन भएका छन्।
नवनिर्वाचित महासचिव प्रमोद कुमार सर्राफका अनुसार नवगठित समितिले संस्थाको धार्मिक, सामाजिक तथा आध्यात्मिक गतिविधिलाई थप प्रभावकारी ढंगले अगाडि बढाउने लक्ष्य लिएको छ। कार्यक्रम सौहार्दपूर्ण वातावरणमा सम्पन्न भएको बताइएको छ।
