“संघीयताविरुद्धको अभिव्यक्ति जनमतमाथिको धोका हो : पिकिं यादव”’
कलैया । जनता समाजवादी पार्टी (नेपाल) की केन्द्रीय समन्वय समिति सदस्य तथा युवा नेतृ पिकिं यादव ले चुनावअघि संघीयताको पक्षमा उभिएर चुनावपछि त्यसकै विरोध गर्नु राजनीतिक बेइमानी भएको बताएकी छन्। उनले संघीय लोकतान्त्रिक गणतन्त्र हजारौं नेपालीको संघर्ष, त्याग र बलिदानबाट प्राप्त उपलब्धि भएकाले यसको संरक्षण र सुदृढीकरणमा सबै राजनीतिक शक्ति लाग्नुपर्ने धारणा व्यक्त गरिन्।
यादवले संघीयताको कार्यान्वयनमा कमजोरी देखिए सुधार गर्न सकिने भए पनि व्यवस्था नै खारेज गर्ने बहस लोकतान्त्रिक आन्दोलनका उपलब्धिमाथिको प्रहार हुने बताइन्। उनले विशेषगरी मधेस आन्दोलनका सहिदहरूको बलिदानलाई स्मरण गर्दै संघीयतालाई थप प्रभावकारी, जवाफदेही र जनमुखी बनाउनुपर्नेमा जोड दिइन्।
