पर्साबाट बिदाइँदै एसपी सुदिपराज पाठक, सम्झनलायक कार्यकालको उच्च सम्मान
पर्सा प्रहरी प्रमुख एसपी सुधीरराज पाठकको सरुवा भएको छ। आफ्नो कार्यकालभरि उहाँले जिल्लामा शान्ति सुरक्षा कायम गर्न, अपराध नियन्त्रणलाई प्रभावकारी बनाउन, लागूऔषध तथा तस्करीविरुद्ध कडा अभियान सञ्चालन गर्न र नागरिकमैत्री प्रहरी सेवालाई प्राथमिकतामा राख्दै उल्लेखनीय भूमिका निर्वाह गर्नुभयो।
उहाँको नेतृत्वमा प्रहरीले विभिन्न संवेदनशील घटनाको सफल व्यवस्थापन गर्दै नागरिकको विश्वास जित्न सफल भएको भन्दै स्थानीयवासी, सामाजिक अगुवा तथा सरोकारवालाले प्रशंसा गरेका छन्। निष्पक्ष, जिम्मेवार र सक्रिय प्रहरी नेतृत्वका रूपमा एसपी पाठकले पर्सामा आफ्नो छुट्टै छाप छोड्नुभएको धेरैको भनाइ छ।
यसैबीच, पर्साको नयाँ प्रहरी प्रमुखका रूपमा एसपी पवन भट्टराई आज जिम्मेवारी सम्हाल्न आउँदै हुनुहुन्छ। उहाँ आज अपराह्न ४:१५ बजे आइपुग्ने कार्यक्रम रहेको बताइएको छ। नयाँ नेतृत्वसँगै पर्साको शान्ति सुरक्षा र प्रहरी सेवालाई अझ प्रभावकारी बनाउने अपेक्षा गरिएको छ।
एसपी सुधीरराज पाठकको योगदानप्रति सम्मान व्यक्त गर्दै धेरैले उहाँको आगामी जिम्मेवारी सफल रहोस् भन्ने शुभकामना दिएका छन्।
