पर्सामा हिन्दु–मुस्लिम सद्भाव कायम गर्न सुरक्षा निकायको प्रभावकारी भूमिका
पर्सामा धार्मिक तथा सामाजिक सद्भाव कायम राख्न सुरक्षा निकाय र स्थानीय प्रशासनले खेलेको भूमिका प्रशंसनीय देखिएको छ। विगतमा हिन्दु–मुस्लिमबीच विवादको सम्भावना देखिने अवस्थामा समेत सुरक्षा निकायको सक्रियता, समन्वय र समुदायसँगको सहकार्यका कारण ठूला धार्मिक तथा सामाजिक कार्यक्रमहरू शान्तिपूर्ण रूपमा सम्पन्न हुँदै आएका छन्।
हनुमान जयन्ती, मोहरम, रथयात्रालगायतका धार्मिक कार्यक्रमका क्रममा सम्भावित तनाव र विवादलाई रोक्न तत्कालीन एसपी सुदीपराज पाठक, डीएसपी हरिबहादुर बस्नेत, डीएसपी राजु कार्की, इन्स्पेक्टर अमृत कुमार बस्नेत, एकनाथ भट्टराई, विक्रम सुवेदी, नवीन थापा मगर, समुन्नत अधिकारी र शोनी न्हेम्हाफूकी लगायतका सुरक्षा अधिकारीहरूको समन्वयात्मक भूमिका महत्वपूर्ण रह्यो।
त्यस्तै, पर्साका प्रमुख जिल्ला अधिकारी भोला दाहाल, सशस्त्र प्रहरीका एसपीलगायत सुरक्षा निकायको संयुक्त प्रयासले पनि जिल्लामा धार्मिक सद्भाव र शान्ति कायम राख्न महत्वपूर्ण योगदान पुर्याएको देखिन्छ।
हाल पर्सामा एसपी पवनकुमार भट्टराई, डीएसपी राजु कार्की, डीएसपी चक्र बहादुर मल्ल लगायतका सुरक्षा अधिकारीहरूको सक्रियता र प्रभावकारी समन्वयका कारण वीरगञ्जमा हिन्दु–मुस्लिमबीचको विवाद तथा तनावको अवस्था देखिएको छैन।
धार्मिक सद्भाव कुनै एक समुदायको मात्र जिम्मेवारी होइन। हिन्दु–मुस्लिम समुदायबीच आपसी सम्मान, समझदारी र भाइचारालाई मजबुत बनाउँदै सुरक्षा निकाय तथा स्थानीय प्रशासनको सक्रियतालाई निरन्तरता दिन सके पर्सामा शान्ति, सद्भाव र सामाजिक एकता अझ बलियो बन्न सक्छ।
