कुम्हालटोलमा नागरिक सुनुवाई तथा अन्तरक्रिया कार्यक्रम सम्पन्न
अभिलाष गुप्ता
वीरगञ्ज, २५ वैशाख
“हर प्रहर, गाउँ र नगरी टोल टोलमा नेपाल प्रहरी समुदाय–प्रहरी साझेदारी” कार्यक्रमअन्तर्गत वीरगञ्ज महानगरपालिका वडा नं. ५ स्थित कुम्हालटोलमा नागरिक सुनुवाई तथा अन्तरक्रिया कार्यक्रम सम्पन्न भएको छ।
सामुदायिक सेवा केन्द्र तथा सामुदायिक प्रहरी सेवा कुम्हालटोल र वडा प्रहरी कार्यालय बिर्ताको संयुक्त आयोजनामा सम्पन्न कार्यक्रम सामुदायिक सेवा केन्द्रका अध्यक्ष रमेश चौधरीको अध्यक्षता तथा वडा अध्यक्ष प्रदीप चौरसियाको प्रमुख आतिथ्यमा सम्पन्न भएको हो।
कार्यक्रममा वडा प्रहरी कार्यालय बिर्ताका प्रमुख प्रहरी निरीक्षक बिक्रम सुबेदी, जिल्ला ट्राफिक प्रहरी कार्यालय पर्साका प्रमुख युवराज कटवाललगायतको उपस्थिति रहेको थियो। कार्यक्रममा समुदाय–प्रहरी सहकार्य, ट्राफिक व्यवस्थापन, लागूऔषध दुव्र्यसन नियन्त्रण तथा सार्वजनिक सुरक्षाका विषयमा छलफल गरिएको थियो।
मुनलाईट स्कुलका विद्यार्थी तथा स्थानीयवासीले उठाएका जिज्ञासाको प्रहरी अधिकारीहरूले व्यवहारिक जवाफ दिएका थिए। वक्ताहरूले समाजमा शान्ति सुरक्षा कायम गर्न नागरिक र प्रहरीबीचको सहकार्य आवश्यक रहेको बताएका थिए।
