कृष्ण सेन ‘इच्छुक’ स्मृति पुरस्कारबाट दुई पत्रकार सम्मानित
वीरगञ्ज, १६ जेठ — प्रेस सेन्टर नेपाल पर्साले प्रदान गर्ने कृष्ण सेन ‘इच्छुक’ स्मृति पत्रकारिता पुरस्कारबाट पत्रकार निरज पिठाकोटे मगर तथा युवा क्रियाशील पत्रकारिता पुरस्कारबाट बलिराम यादव सम्मानित भएका छन्। दुवैलाई जनही २१ हजार रुपैयाँ नगद, सम्मानपत्र र दोसल्लासहित सम्मान गरिएको थियो। कार्यक्रममा सञ्चार क्षेत्रका विभिन्न व्यक्तित्वहरूको सहभागिता रहेको थियो।
